د طالبانو د صنعت او سوداګرۍ وزارت سرپرست نورالدین عزیزي د ازبکستان د ټرانسپورټ له وزیر الهام مخکوف سره کتنه کې ویلي، دغه ډله له ازبکستان سره د سوداګریزو اړیکو پراختیا ته چمتو ده.
د صنعت او سوداګرۍ وزارت نن دوشنبې (غوايي ۲۴) په یوه خبرپاڼه کې ویلي چې د دغه وزارت سرپرست او د ازبکستان د ټرانسپورټ وزیر د سوداګرۍ، ټرانزیټ او پانګونې د پیاوړتیا او پراختیا په موخه پر بېلابېلو موضوعاتو خبرې کړې دي.
د طالبانو او د هغه هېواد ترمنځ اړیکې، په ګډون د دوه اړخیزه سوداګریزو غونډو او په تاشکند ښار کې د افغان تولیداتو او محصولاتو نندارتون، د افغان ټرانس ریل پټلۍ، په هریتان ښار کې د 24 ساعته بندر خدمتونه او د ټرکونو یو ځای کول د تادیاتو په اړه بحث شوی.
د طالبانو د صنعت او سوداګرۍ وزارت سرپرست وویل چې دغه ډله له ازبکستان جمهوریت سره د سوداګریزو اړیکو پراختیا ته چمتو ده.
د ازبکستان د ترانسپورت وزیر هم د خپل هېواد او د طالبانو ډلې تر مینځ د سوداګریزو اړیکو پراختیا او پیاوړتیا ته چمتووالی ښودلیویلي یې دي چې د حیرتان په ښارګوټي کې د دواړو لورو ترمنځ د وروستۍ ناستې په پایله کې به د ازبکستان جمهوریت په ۲۰۲۴ کال کې د همکارۍ د ښه کولو په موخه په دې سکتور کې شاوخوا ۴۰ میلیونه ډالره پانګونه وکړي.
جمهورخبري آژانس
