د هسپانیې د بهرنیو چارو وزارت اعلان کړی چې د دغه هېواد اتباع چې په بامیان کې په تروریستي برید کې ټپیان شوي وو، له افغانستانه وتلي دي.

د هسپانیې د بهرنیو چارو وزیر جوز مانویل الباریز د چهارشنبې په ورځ د غبرګولي په دوهمه په یوه بیان کې وویل: «زه د هسپانیې د بهرنیو چارو د وزارت د قونسلګرۍ د بیړنیو خدماتو، د لازمو محافظتي کارونو لپاره افغانستان ته د استول شویو ډیپلوماټانو او د اروپا د بهرني عمل له غړو څخه مننه کوم. د دوی د ملاتړ لپاره هلته خدمت کوي."

د یادولو وړ ده چې د تیرې جمعې په ورځ د ثور د میاشتې په ۲۷ نیټه د بامیان ولایت په مرکز کې پر بهرنیو سیلانیانو باندې وسله والو ډزې وکړې چې په پایله کې یې ۳ هسپانوي او ۳ تنه افغان اتباع ووژل شول او ۴ تنه بهرني سیلانیان او ۳ تنه نور افغانان ټپیان شول. 

داعش د دې پېښې پړه پر غاړه اخیستې ده.

جمهورخبري آژانس