بدخشان - د اپریل په ۱۲مه، د جمعې په ماښام، سخت ږلۍ او باران په بدخشان ولایت کې ویجاړونکي سیلابونه راوپارول، چې خلکو ته یې د مرګ ژوبلې او لوی مالي زیانونو لامل شو.
د جمهور اژانس د راپور له مخې؛ دې ویجاړونکي سیلاب د فیض آباد - بهارک لویه لاره په بشپړه توګه بنده کړې ده، چې له امله یې یو شمیر ښاریان او د هغوی موټرونه په سړک بند پاتې دي.
تر اوسه د تلفاتو دقیق شمېر نشته، خو عیني شاهدانو د دې طبیعي ناورین د بې ساري شدت راپور ورکړی دی.
د دوی په وینا، د دې لویې لارې په اوږدو کې د څو کلیو لسګونه کورونه، کرنیزې ځمکې، د اوبو کانالونه او زیربناوې ویجاړې شوې دي.
په بدخشان کې د طالبانو د فواید عامې رئیس د ترافیکي لارې د بیا پرانیستلو لپاره د تخنیکي ځواکونو د بسیج کولو خبره کړې او ژمنه یې کړې چې "شپه او ورځ هڅې به وکړي".
په عین حال کې، ځایي اوسیدونکي د بیړني ژغورنې اسانتیاوو نشتوالي، د مرستو رسولو ورو والي او د مسؤلو ادارو د نه پاملرنې په اړه شکایت کوي.
بدخشان، چې د افغانستان یو له غرنیو ولایتونو څخه دی، په وروستیو کلونو کې ډېر ځله د طبیعي پیښو قرباني شوی دی.
که څه هم افغانستان د اقلیم بدلون کې لږ ونډه لري، خو د دې سیمو خلک د چاپیریالي بې عدالتیو لپاره درنه بیه ورکوي.
جمهورخبري آژانس
