د طالبانو ډلې اعلان وکړ چې د دې ډلې د ارشاد، حج او اوقافو وزارت سرپرست وزیر د حج په نړیوال کنفرانس کې د ګډون لپاره سعودي عربستان ته تللی دی.

د جمهور اژانس د راپور له مخې، د طالبانو د ارشاد، حج او اوقافو وزارت تېره شپه (د غبرګولي مه) ناوخته په یوه اعلامیه کې وویل چې د دې وزارت سرپرست وزیر مولوي نور محمد ثاقب سعودي عربستان ته تللی ترڅو د سږ کال د حج پروسې پرمختګ وڅاري او ارزونه وکړي او د اسلامي هیوادونو د حج وزیرانو په لوی کنفرانس کې ګډون وکړي.

د دې سفر په جریان کې، ثاقب به د افغان حج ماموریت د کاري کمیټو فعالیتونه له نږدې وګوري، او د استوګنې، تغذیې، ترانسپورت، روغتیایی خدماتو او د حاجیانو د مناسکو د لارښوونې د پروسې شرایط به وارزوي ترڅو افغان حاجیانو ته اغیزمن، منظم او غوره کیفیت لرونکي خدمات وړاندې کړي.

د یادونې وړ ده چې ۳۰،۰۰۰ افغان حاجیان د حج د فریضې د ادا کولو لپاره مکې معظمې ته تللي وو.

جمهورخبري آژانس