نور محمد متوکل نن دوشنبه، د جون په ۱۲مه، د ایران په مشهد ښار کې د طالبانو د رژیم د نوي قونسل په توګه معرفي شو.

د جمهور آژانس د خبر له مخې، د مشهد کې د نوي قونسل په توګه د متوکل ټاکل نن اعلان شول.

دا اقدام په دې ښار کې د افغانستان د پخواني قونسل جنرال فیضان الله ناصري له مړینې وروسته ترسره شو.

نور محمد متوکل پخوا د افغانستان د دفاع وزارت د ایډیالوژیکي او کلتوري څانګې د مشر په توګه دنده ترسره کوله.

هغه اوس په مشهد کې د اوسني افغان حکومت د ډیپلوماټیک استازیتوب مسؤلیت په غاړه اخیستی دی.

فیضان الله ناصري، پخوانی قونسل جنرال، چې د زړه د ناروغۍ له امله تر درملنې لاندې و، د یکشنبې په ورځ، د ثور په ۱۸مه، ۱۴۰۴ کال کې وفات شو.

دا بدلون په داسې وخت کې راځي چې د طالبانو ډله هڅه کوي په ګاونډیو هیوادونو او سیمه کې خپل ډیپلوماتیک شتون اداره کړي.

جمهورخبري آژانس