د تهران ټایمز ورځپاڼې افشا کړه چې صهیونیسټ رژیم پلان لري چې د امریکا په خاوره کې چاودنه وکړي او ایران تورن کړي ترڅو د تهران او واشنګټن ترمنځ بشپړه جګړه پیل کړي.

ایران، چې د یو دوست هیواد د معلوماتو له لارې دا توطیه کشف کړه، امریکایي چارواکو ته یې خبر ورکړ او د دې پیښې مخه یې ونیوله.

د جمهور اژانس د راپور له مخې، د تهران ټایمز ورځپاڼې راپور ورکړی، چې صهیونیسټ رژیم د امریکا په خاوره کې د یوې ویجاړونکې چاودنې پلان چمتو کړی و ترڅو د شواهدو په جعلي کولو سره ایران د دې مسؤلیت په غاړه واخلي او د امریکا عامه افکار د ایران پر وړاندې پوځي اقدام ته وهڅوي.

راپور زیاتوي چې د دې دسیسې هدف د ایران او متحده ایالاتو ترمنځ د یوې پراخې جګړې راپارول وو. صهیونیسټ رژیم غوښتل چې د یوې ویجاړونکې پیښې په تنظیمولو او د شواهدو په جعلي کولو سره ایران ملامت کړي، په دې توګه متحده ایالات له تهران سره د پوځي شخړې په لور وهڅوي.

ایران د دې دسیسې په اړه د یو دوست هیواد څخه د ترلاسه شویو معلوماتو له لارې معلومات ترلاسه کړل. د پلان له کشف وروسته، ایراني چارواکو په چټکۍ سره امریکایي چارواکو ته پیغامونه واستول، او د احتمالي برید جزئیات یې ورته ورکړل. د ایران دې پر وخت اقدام د پلان شوې چاودنې مخه ونیوله.

د افشا شویو معلوماتو له مخې، صهیونیسټ رژیم هڅه کوله چې د دې عملیاتو په ترسره کولو سره په امریکا کې سیاسي او ټولنیز فضا د خپلې ګټې لپاره وکاروي. په دې پلان کې د ایران د تورنولو لپاره د جعلي شواهدو جوړول او په متحده ایالاتو کې د خلکو غوسه راپارول شامل وو ترڅو د ایران پر وړاندې پوځي مداخلې ته لاره هواره کړي.

د دې دسیسې افشا کېدل یو ځل بیا د سیمه ییزو او نړیوالو کړکېچونو په رامنځته کولو کې د صهیونیسټ رژیم ویجاړونکی رول روښانه کړی دی. دا پیښه یو ځل بیا د نړیوالې ټولنې د صهیونیسټ رژیم د پارونکو اقداماتو په وړاندې د هوښیارۍ اړتیا ټینګار کوي.

جمهورخبري آژانس