د روغتیا نړیوال سازمان (WHO) د ختیځې مدیترانې سیمې سیمه ییز رییس وايي چې موږ د ټولو افغانانو د روغتیا او هوساینې د ملاتړ لپاره د ملګرتیاوو پیاوړتیا ته سترګې په لار یو.

د جمهور آژانس د خبر له مخې د روغتیا نړیوال سازمان (WHO) د ختیځې مدیترانې سیمې لپاره د سیمه ییزې مشرې، آغلې حنا بلخي، نن، شنبه (د چنګاښ ۱۴مه) په خپل ایکس پاڼه کې لیکلي چې هغه غواړي په افغانستان کې د چین له سفیر ژاو ژینګ څخه د تود هرکلي او ارزښتناکو نظرونو تبادلې لپاره مننه وکړي.

هغه زیاته کړه: "لکه څنګه چې د افغانستان روغتیا اړتیاوې زیاتېږي، همکاري او پیوستون تر بل هر وخت ډیر مهم دي."

د روغتیا نړیوال چارواکي وویل: "موږ د ټولو افغانانو د روغتیا او هوساینې د ملاتړ لپاره د ملګرتیاوو پیاوړتیا ته سترګې په لار یو."

د یادونې وړ ده چې د طالبانو له خوا د افغانستان د نږدې څلورو کلونو اشغال په جریان کې، د هیواد روغتیايي سیستم، چې د علماوو په مشرۍ جوړ شوی و، سقوط کړی دی.

جمهورخبري آژانس