د طالبانو د سفارت مشر د امیر طاها رضايي له کورنۍ سره خواخوږي څرګنده کړه

په تهران کې د طالبانو د سفارت مشر د امیر طاها رضايي له کورنۍ سره چې په ایران کې وژل شوی دی خواخوږي څرګنده کړه.

د جمهور خبري آژانس د خبر له مخې په تهران کې د طالبانو سفارت نن یکشنبې (د چنګاښ ۲۹ مه) په یوه اعلامیه کې وویل چې د سفارت مشر فضل محمد حقاني د امیر طاها رضايي له کورنۍ سره ولیدل، چې په دې وروستیو کې د دوو ایراني اتباعو له خوا په وحشیانه ډول ووژل شو، ترڅو خپله خواخوږي څرګنده کړي.

حقاني په دې غمجنه پیښه خواشیني څرګنده کړه او ټینګار یې وکړ چې دا موضوع د ایران د اسلامي جمهوریت له اړوندو چارواکو سره په جدي توګه بحث شوې ده ترڅو د دې نه بخښونکي جرم عاملین د قانون سره سم مجازات شي.

جمهورخبري آژانس