د طالبانو ډلې مرکزي بانک اعلان کړی چې بانک یې له یو ملیارد او نهه ملیون څخه زیاتې افغانۍ د منډرو په وسیله سوځولي دي.
د جمهور آژانس د خبر له مخې د طالبانو مرکزي بانک نن سې شنبه (د چنګاښ ۳۱مه) په یوه اعلامیه کې وویل چې دوی د منډرو په وسیله یو ملیارد او نهه ملیون او اته سوه او اوه شپیته زره افغانۍ سوځولي دي.
په اعلامیه کې ویل شوي چې دا اندازه پیسې د مرکزي زون، پکتیا او ننګرهار ولایتونو څخه د یوې کاري ډلې لخوا راټولې شوې دي.
په اعلامیه کې زیاته شوې چې د بارولو وروسته، دا بانک نوټونه د عدلیې او مالیې وزارتونو او امنیتي ادارو د استازو په شتون کې د یوې کاري ډلې لخوا ځانګړو کوټو ته لیږدول شوي او سوځول شوي دي.
د طالبانو د مرکزي بانک دوهم مرستیال ملا محمد اخوند له خلکو غوښتي چې د معاملو پرمهال د افغانیو د ساتنې او ذخیره کولو ته جدي پاملرنه وکړي.
جمهورخبري آژانس
