په افغانستان کې د نړیوال خوراکي پروګرام نوي مشر د طالبانو ډلې د بهرنیو چارو سرپرست وزیر سره په لیدنه کې دې سازمان ته د افغان کډوالو سره د لا زیاتو مرستو ډاډ ورکړ.
د جمهور آژانس د خبر له مخې د طالبانو د بهرنیو چارو وزارت تیره شپه (د زمري ۴ مه) ناوخته په یوه بیان کې وویل چې سرپرست وزیر، مولوي امیر خان متقي، په کابل کې د نړیوال خوراکي پروګرام له نوي مشر، جان الیف سره ولیدل.
دواړو خواوو د ستونزو د حل او اغیزمنې مرستې چمتو کولو لپاره په ګډ کار ټینګار وکړ.
متقي په افغانستان کې د سازمان د مرستې لپاره مننه وکړه او ټینګار یې وکړ چې د بیړنیو بشري مرستو سربیره، باید پراختیایي سکتور ته ډیره پاملرنه وشي.
طالبانو ادعا وکړه چې په افغانستان کې اوس ډیری ستونزې له منځه تللي او د پراختیایي پروژو د پلي کولو لپاره ښه فرصت رامینځته شوی دی.
جان الیف په دې غونډه کې ډاډ ورکړ چې سازمان به پدې برخه کې نورې مرستې چمتو کړي.
هغه زیاته کړه چې د خوړو نړیوال پروګرام به د پرمختیایي او بشري مرستو د راجلبولو لپاره له مرستندویانو سره د ښکیلتیا لپاره ډیرې هڅې وکړي او په دواړو سکتورونو کې به له افغانانو سره مرستې ته دوام ورکړي.
جمهورخبري آژانس
