چینایي پانګوالو افغانستان کې د برېښنا تولید، فابریکو او ساختماني چارو کې لیوالتیا څرګنده کړې
د طالبانو د صنعت او سوداګرۍ وزارت په افغانستان کې د پانګونې لپاره د چینایي سوداګرو لیوالتیا اعلان کړې ده.
د جمهور آژانس د خبر له مخې د طالبانو د صنعت او سوداګرۍ وزارت تېره شپه ناوخته (د زمري ۲۰ مه) په یوه اعلامیه کې وویل چې د دې وزارت مرستیال احمدالله زاهد په خپل دفتر کې له چینایي پانګوالو سره ولیدل.
د غونډې په جریان کې، چینایي پانګوالو د برېښنا تولید، تولیدي فابریکو او ساختماني برخو کې پانګونې ته خپله لیوالتیا څرګنده کړه او د مرستیال وزیر څخه یې په دې برخو کې د همکارۍ غوښتنه وکړه.
د دوی د خبرو اوریدلو او د دوی د لیوالتیا له هرکلي وروسته، د صنعت او سوداګرۍ مرستیال وزیر افغانستان د پانګونې لپاره یو خوندي ځای وباله او ویې ویل چې اوس په مختلفو سکتورونو کې د پانګونې لپاره بې ساري اسانتیاوې برابرې شوې دي.
جمهورخبري آژانس
