د طالبانو د کرنې، اوبو لګولو او مالدارۍ وزارت د اروپايي ټولنې لخوا په کندهار کې ۴۰ اړمنو کورنیو ته د اصلاح شویو وزو ویش اعلان کړ.

د جمهور آژانس د خبر له مخې د طالبانو د کرنې، اوبو لګولو او مالدارۍ وزارت نن دوشنبې (د زمري ۲۷مه) په یوه اعلامیه کې وویل چې د کندهار د کرنې، اوبو لګولو او مالدارۍ ریاست په هڅو، د اروپايي ټولنې په مالي ملاتړ او د افغانستان لپاره د دوامداره ژوندانه (SLOE) په همکارۍ، د کندهار ښار په پنځمه او لسمه ناحیه کې ۴۰ اړمنو، یتیمانو او معلولو کورنیو ته تقویه شوي وزې ویشل شوي دي.

د معلوماتو له مخې، د وزو پالنه یوه پروسه ده چې په کې د مختلفو میتودونو په کارولو سره په وزو کې مطلوب ځانګړتیاوې لوړیږي.

دا کولی شي د شیدو، غوښې، وړۍ یا د وزو نورو محصولاتو ښه تولید لامل شي، او همدارنګه کولی شي د ناروغیو او سختو چاپیریالي شرایطو په وړاندې د وزو مقاومت زیات کړي.

جمهورخبري آژانس