له ۶۰۸ زرع څخه زیاتو افغانانو د سره صلیب نړیوالې کمېټې لومړنۍ روغتیايي پاملرنه ترلاسه کړې ده
د سره صلیب نړیوالې کمېټې اعلان وکړ چې په تیرو شپږو میاشتو کې یې له ۶۰۸،۰۰۰ څخه زیاتو افغانانو ته لومړنۍ روغتیايي پاملرنه چمتو کړې ده.
د جمهور آژانس د خبر له مخې سره صلیب نړیوالې کمېټې (ICRC) د رسنیو دفتر نن دوشنبې د (د زمري مه) په یوه راپور کې اعلان وکړ چې د روان کال په لومړیو شپږو میاشتو کې، ۶۰۸،۶۰۰ ناروغانو، چې ۶۴ سلنه یې ښځې وې، د افغاني سرې میاشتې ټولنې په ۴۷ روغتیايي مرکزونو کې چې د دې ادارې لخوا ملاتړ کیږي، لومړنۍ روغتیايي پاملرنه ترلاسه کړې ده.
په راپور کې راغلي چې په دې موده کې ۴،۱۸۲ خوارځواکه ماشومانو د سازمان د تغذیې له پروګرامونو څخه ګټه پورته کړې ده.
آی سي آرسي زیاته کړه چې دوی په تیرو شپږو میاشتو کې د هیواد په کچه له مختلفو زندانونو څخه لیدنه کړې ترڅو د بندیانو د ژوند شرایط ښه کړي او ډاډ ترلاسه کړي چې هغه کسان چې له خپلې آزادۍ څخه محروم دي، په انساني توګه چلند کیږي.
په راپور کې ویل شوي چې په تیرو شپږو میاشتو کې په ۱۲ زندانونو کې ۱۶،۶۲۹ بندیانو د حفظ الصحې کټونه ترلاسه کړي دي.
کمیټې وویل چې دا د زندانونو د ادارې د هڅو ملاتړ کوي ترڅو په زندانونو کې د حفظ الصحې مناسب شرایط ډاډمن کړي.
جمهور خبري آژانس
