د اسلامي همکاریو سازمان یا  OIC سفیر ژمنه وکړه چې د طالبانو د روغتیا سکتور سره به د سازمان همکاري جاري وساتي.

د جمهو آژانس د خبر له مخې د طالبانو د عامې روغتیا وزیر نور جلال جلالي نن سې شنبې (د وږي ۴ مه) په کابل کې د OIC سفیر محمد سعید العیاش سره ولیدل.

دواړو خواوو د روغتیا سکتور پراختیا، مرستو او راتلونکو روغتیایی پلانونو په اړه بحث وکړ.

مولوي نور جلال جلالي روغتیايي خدماتو ته لاسرسی د خلکو حق وګاڼه او ټینګار یې وکړ چې روغتیا سکتور باید له سیاست څخه جلا وي.

هغه دا هم زیاته کړه چې هغه هڅه کوي چې د نړیوالو مرستو سربیره د کورنیو بودیجې څخه روغتیایی سیسټم پیاوړی کړي.

د OIC سفیر د اړیکو په پیاوړتیا هم ټینګار وکړ او ژمنه یې وکړه چې له طالبانو سره به د سازمان همکارۍ ته دوام ورکړي.

جمهورخبري آژانس