د تورخم په سرحدي سیمه کې ځایي طالبان وايي چې د سخت باران او سیلاب له امله د څو ساعتونو تړل کیدو وروسته دا لاره بیرته پرانیستل شوې ده.

د جمهور آژانس د خبر له مخې تورخم کمشنر عبدالجبار حکمت شنبې (د وږي ۸ مه) وویل چې د تورخم دروازه، چې تېره شپه د سخت باران او سیلاب له امله تړل شوې وه، د ټولو موټرو لپاره پرانیستل شوې ده.

هغه زیاته کړه: "اوس مهال، ټول موټرونه کولی شي له دې لارې تیر شي."

د طالبانو په وینا، د سخت باران له امله، د خیالي کرښې دواړو خواوو ته ځینې تخنیکي ستونزې رامینځته شوې وې، چې اوس حل شوې او مسافر کولی شي پرته له کومې ستونزې سفر وکړي.

جمهور خبري آژانس