د طالبانو د کورنیو چارو وزارت د کندوز ولایت څخه د لسګونو وسلو او زرګونو مرمۍ کشف او ضبط اعلان کړ.
د جمهور آژانس د خبر له مخې د طالبانو د کورنیو چارو وزارت نن یکشنبې (د وږي ۹ مه) په یوه اعلامیه کې وویل چې د کندوز ولایت د پولیسو د قوماندانۍ د ترهګرۍ ضد پولیسو په تیرو دریو میاشتو کې د ولایت په مرکز او نهو ولسوالیو کې لسګونه وسلې او زرګونه مرمۍ کشف او ضبط کړې دي.
په ترلاسه شویو وسلو او مهماتو کې ۱۶ ټوپکونه، یو کلاشینکوف، ۵ پیکا، ۷ بریدګر ټوپکونه، ۸ د لاسي بمونو لانچرونه، ۶۹ سام سام ګولۍ، ۱۵ لاسي بمونه، ۱۲ راکټ لانچرونه او زرګونه د کلاشینکوف ګولۍ شاملې دي.
د دې پوځي تجهیزاتو په تړاو ۱۲ کسان نیول شوي او د لومړنیو څېړنو له بشپړولو وروسته عدلي او قضايي ادارو ته سپارل شوي دي.
جمهورخبري آژانس
