په قطر کې د طالبانو ډیپلوماتان په خپلو تذکرو کې د جمهوریت نښان او بیرغ کاروي

ترلاسه شوي اسناد ښیي چې په قطر کې د طالبانو ډیپلوماتان په خپلو رسمي تذکرو کې د جمهوریت نښان او د افغانستان ملي بیرغ کاروي.

د جمهور خبري آژانس د خبر له مخې په ورته وخت کې، یوې ښځینه قطري چارواکي کابل ته د سفر په جریان کې د اسلامي امارت پرځای د افغانستان اسلامي جمهوریت لقب وکاراوه.

افغانستان انټرنیشنل ولیکل: قطر لاهم د افغانستان اسلامي جمهوریت په رسمیت پیژني او د طالبانو ادارې یې په رسمیت پیژندلو څخه انکار کړی دی.

دا په داسې حال کې ده چې طالبانو د هیواد دننه یو شمیر اتباع د افغانستان د ملي بیرغ کارولو له امله نیولي او سزا یې ورکړې ده.

د یادونې وړ ده چې دا ډله د جمهوریت نښان لرونکو اتباعو ته پاسپورټونه او شناختي کارتونه هم ویشي.

جمهورخبري آژانس