په کابل کې د متحده عربي اماراتو سفیر د طالبانو د بهرنیو چارو له وزیر سره وکتل او د خپل هیواد اړیکې یې دوستانه وبللې.

د جمهور آژانس د خبر له مخې د طالبانو د بهرنیو چارو وزارت نن، چهارشنبې (د وږي ۱۹ مه) په یوه بیان کې وویل چې وزیر مولوي امیر خان متقي د متحده عربي اماراتو له سفیر عیسی سالم الظهري سره د خدای پاماني لیدنه وکړه.

متقي د دواړو خواوو ترمنځ اړیکې تاریخي او مثبتې وبللې او د متحده عربي اماراتو د سفیر د کار ستاینه یې وکړه.

د متحده عربي اماراتو سفیر د دواړو خواوو ترمنځ اړیکې دوستانه وبللې او هیله یې څرګنده کړه چې دوه اړخیزې اړیکې به په ډیرو برخو کې پراخې شي.

جمهورخبري آژانس