د طالبانو د کورنیو چارو وزارت په غزني ولایت کې د ۷۲ کیلوګرامه اپینو د قاچاق مخنیوي اعلان وکړ.

د جمهور آژانس د خبر له مخې د طالبانو د کورنیو چارو وزارت نن دوشنبې (د وږي ۳۱ مه) په یوه اعلامیه کې وویل چې په غزني ولایت کې د ۷۲ کیلوګرامه اپینو د قاچاق مخه نیول شوې ده.

په اعلامیه کې ویل شوي: د غزني ولایت د پولیسو د قوماندانۍ د لویې لارې پولیسو د کشفي راپور په ترڅ کې دوه کسان ونیول چې په مهارت سره یې د یاد ولایت د البدر څلور لارې ته نږدې په دوو موټرو کې ۷۲ کیلوګرامه اپین د پورته ذکر شویو مخدره توکو سره لیږدول.

نیول شویو کسانو پلان درلود چې دا اندازه مخدره توکي، چې دوی له بدخشان ولایت څخه هلمند ولایت ته راوړي وو، قاچاق کړي.

جمهورخبري آژانس