د طالبانو شرطونه بې مانا دي، له افغان خاورې ترهګر ختمول مهم دي

د پاکستان د پوځ ویاند وايي چې هغه شرطونه چې افغان طالبان یې په دوامداره توګه وړاندې کوي بې معنی دي، مهمه خبره دا ده چې هغه ترهګري پای ته ورسیږي چې له افغان خاورې څخه سرچینه اخلي.

د جمهور خبري آژانس د خبر له مخې، د پاکستان د پوځ ویاند احمد شریف چودري پرون دوشنبې (د لړم ۱۲مه) په یوه خبري کنفرانس کې ویلي: مخکې له دې چې په استانبول کې د خبرو اترو بل پړاو پیل شي، هغه د طالبانو په وړاندې سخت دریځ غوره کړی او ویلي یې دي چې د پاکستان یوازینۍ غوښتنه چې خبرې اترې به ورسره ونشي هغه دا ده چې "ترهګري" چې له افغان خاورې څخه سرچینه اخلي، پای ته ورسوي.

هغه روښانه کړه: هغه شرایط چې افغان طالبان یې په دوامداره توګه وړاندې کوي بې معنی دي، مهمه خبره د ترهګرۍ ختمول دي.

هغه وویل: پاکستان یو واحد ټکی اجنډا لري: د افغانستان خاوره باید زموږ پر ضد ونه کارول شي.

د طالبانو او پاکستان ترمنځ د خبرو اترو بل پړاو دوه ورځې وروسته په ترکیه کې پیل کیږي.

جمهورخبري آژانس