د افغانستان لپاره د پاکستان پخوانی ځانګړی استازی وايي، د استانبول په خبرو اترو کې بندښت د طالبانو ډلې د پاکستان سره د مقابلې پریکړه مانا لري.

د جمهور آژانس د خبر له مخې، د افغانستان لپاره پخوانی ځانګړی استازی آصف دراني نن شنبې (د لړم ۱۷ مه) په خپله اېکس پاڼه لیکلي: د استانبول په خبرو اترو کې بندښت پدې معنی دی چې د افغان طالبانو ډله به د تحریک طالبان پاکستان سره لوبه ونه کړي.

هغه زیاته کړه: دا پدې معنی ده چې پوله به تړلې وي، هیڅ سوداګري یا مسافر به نه وي - عام خلک به زیانمن شي.

هغه وویل: داسې ښکاري چې د طالبانو رژیم پریکړه کړې چې له پاکستان سره د مقابلې ته دوام ورکړي.

د یادونې وړ ده چې د طالبانو او پاکستان ترمنځ د خبرو اترو دریم پړاو، چې د ترکیې او قطر په منځګړیتوب په استانبول کې ترسره شو، د طالبانو او پاکستان لخوا پرته له کومې پایلې پای ته ورسید.

دواړه خواوې یو بل په غیر مسؤلانه چلند تورنوي.

جمهورخبري آژانس