د موی تای افغان لوبغاړي په تایلینډ کې په یوه سیالۍ کې خپل ایراني سیال ته ماتې ورکړه. د جمهور خبري آژانس د خبر له مخې، تیره شپه (د لړم ۱۷مه)، د موی تای افغان اتل شاهین په تایلینډ کې په یوه مسلکي سیالۍ کې خپل ایراني سیال، پوریا ولي ته ماتې ورکړه. د دریو زړه راښکونکو پړاوونو وروسته، شاهین وکولی شو چې د قاضیانو د بریا په توپیر سره جګړه وګټي، او د هغه ریکارډ ته یې یوه بله بریا اضافه کړه. د یادونې وړ ده چې شاهین تر دې دمه د موی تای په مختلفو سازمانونو کې ۱۳ مسلکي سیالۍ کړي دي، چې ۱۲ یې بریاوې او یوازې یوه یې بایللې ده. جمهورخبري آژانس