په لوګر کې د یوې مور او لور وژنه؛ دوه عاملین ونیول شول

په لوګر ولایت کې سیمه ییزو طالبانو د یوې مور او لور د وژنې په تړاو د دوو کسانو د نیولو اعلان وکړ.

د جمهور خبري آژانس د خبر له مخې، لوګر ولایت د پولیسو قوماندانۍ نن یکشنبې (د لړم ۱۸مه) په یوه اعلامیه کې وویل چې غلو په ولایت کې یوه ۶۰ کلنه مور او د هغې ۱۳ کلنه لور ووژله او د قربانیانو جسدونه یې په یوه بکس کې واچول.

په اعلامیه کې ویل شوي چې غلو لومړی د هغه میرمن او لور حیرانه کړه او بیا یې په تبر سره ووژلې. دوی له کوره څلور زره امریکایي ډالر او ۲۰۰۰۰۰ افغانۍ هم غلا کړې.

طالبانو ویلي چې دوی د لوګر د مرکز پل علم ښار د عمر آباد په سیمه کې د دې وژنې په تور دوه کسان نیولي دي.

دا پیښه دوه شپې وړاندې رامنځته شوه او د طالب جنګیالیو په هڅو، مجرمین وپیژندل شول او ونیول شول.

جمهورخبري آژانس