د افغانستان د ووشو فدراسیون د اسلامي پیوستون لوبو کې د ګډون لپاره د دې سپورت د درې کسیزې ډلې د سفر اعلان وکړ.

د جمهور اژانس د راپور له مخې، د هیواد د ووشو فدراسیون عمومي منشي محمد خالد هوتک نن، چهارشنبې (د لړم ۲۱ مه) وویل چې د ووشو ملي لوبډله د اسلامي پیوستون لوبو کې د ګډون لپاره سعودي عربستان ته تللې او په دې سیالیو کې به د افغانستان استازیتوب وکړي.

هغه زیاته کړه: په ۶۰ کیلوګرامه وزن کې شمس الدین حاجي زاده، په ۷۰ کیلوګرامه وزن کې جعفر سلطاني او په ۸۵ کیلوګرامه وزن کې اسدالله احسان په دې سیالیو کې د افغانستان استازي دي.

د اسلامي پیوستون لوبو شپږم پړاو د لسو ورځو څخه زیات د سعودي عربستان د ریاض ښار کوربه توب کوي.

جمهورخبري آژانس