د افغانستان لپاره د اروپايي ټولنې ځانګړي استازي د افغانستان په اړه د منځنۍ اسیا هېوادونو له استازو سره خبرې اترې وکړې.

د جمهور آژانس د خبر له مخې د افغانستان لپاره د اروپايي ټولنې ځانګړي استازي ګیلس برټرنډ نن شنبې (د لړم ۲۴ مه) په خپله اېکس پاڼه لیکلي: "د اروپايي ټولنې او مرکزي اسیا ترمنځ د افغانستان په اړه شدیدې او رغنده مشورې ترسره شوې دي."

هغه زیاته کړه: "د مرکزي اسیا سره زموږ همکاري، د سیمې په توګه او دوه اړخیزه توګه، د افغانستان د خلکو او سیمه ایز ثبات ملاتړ لپاره کلیدي ده."

اروپایي چارواکي د دې خبرو اترو نور جزئیات خپاره نه کړل.

جمهورخبري آژانس