د طالبانو د کورنیو چارو وزارت د بلخ ولایت په طبي مرکز کې د ۱۰۰ څخه زیاتو روږدو کسانو د درملنې اعلان وکړ.

د جمهور آژانس د خبر له مخې، د طالبانو د کورنیو چارو وزارت نن شنبې (د لړم ۲۴مه) په یوه اعلامیه کې وویل چې له ۱۰۰ څخه ډیر روږدي کسان په طبي مرکز کې له درملنې وروسته روغ شوي دي.

په اعلامیه کې ویل شوي: ۱۰۲ روږدي کسان چې په دې وروستیو کې د پولیسو لخوا د درملنې لپاره راټول شوي وو او د بلخ ولایت د روږدو کسانو لپاره د ۱۰۰۰ بستریز طبي مرکز ته معرفي شوي وو، له درملنې وروسته روغ شوي او خپلو کورنیو ته سپارل شوي دي.

د یادونې وړ ده چې د نړیوالو سازمانونو د راپورونو له مخې، په افغانستان کې د طالبانو د واکمنۍ سره، په هیواد کې د مخدره توکو کښت او تولید ۳۸ سلنه زیات شوی دی.

جمهورخبري آژانس