د روسیې د بهرنیو چارو وزارت ویاندې اعلان وکړ چې هیواد یې د طالبانو او پاکستان ترمنځ د تاوتریخوالي د حل غوښتنه کوي.

د جمهور آژانس د خبر له مخې، د روسیې د بهرنیو چارو وزارت ویاندې ماریا زاخارووا په یوه وروستي مطبوعاتي کنفرانس کې وویل چې مسکو له طالبانو او پاکستان څخه غواړي چې هر ډول شخړې یوازې د سیاسي، ډیپلوماتیکو او سوله ایزو لارو حل کړي.

هغې وویل چې روسیه چمتو ده چې د طالبانو او پاکستان ترمنځ د تاوتریخوالي د حل او په سیمه کې د تلپاتې سولې د هڅولو لپاره برخه واخلي او منځګړیتوب وکړي. موږ داسې تجربه لرو او د دې لپاره چمتو یو.

هغې زیاته کړه چې د طالبانو او پاکستان ترمنځ روان کړکیچ نه یوازې د روسیې لپاره، بلکې د ټولې نړیوالې ټولنې لپاره د اندیښنې لامل دی.

جمهورخبري آژانس