د فراه د پولیسو د مطبوعاتي دفتر ویاند محمد نسیم بدري وايي، د ایراني سرحدي ساتونکو لخوا په هغو خلکو باندې په ډزو کې ۱۰ کسان ووژل شول چې غوښتل یې له دې ولایت څخه په غیرقانوني ډول ایران ته ننوځي.

د جمهور أژانس د خبر له مخې بدري ویلي دغه پېښه پرون شپه د (لیندۍ ۱۰ مه) هغه مهال رامنځ ته شوې، چې ایراني سرتېرو د ولایت پر یو شمېر هغو اوسیدونکو ډزې وکړې چې په غیرقانوني ډول له پولې څخه تېرېدل او د فراه د شیخ ابو نصر بندر له لارې ایران ته ننوتل، چې له امله یې ۱۰ کسان ووژل شول.

د بدري په وینا، د دې کسانو سربیره، دوه نور لا هم ورک دي.

جمهورخبري آژانس