د طالبانو د کرنې، اوبو لګولو او مالدارۍ وزارت د ازبک لوري سره د څو سوداګریزو تړونونو لاسلیک اعلان کړ.

د جمهور آژانس د خبر له مخې، د طالبانو د کرنې، اوبو لګولو او مالدارۍ وزارت نن چهارشنبې (د لیندۍ ۱۲مه) په یوه مطبوعاتي اعلامیه کې وویل چې د ازبکستان پلاوي د هغه هیواد د کرنې مرستیال وزیر جمشید عبدالزاخروف په مشرۍ چې د خصوصي سکتور او دولتي چارواکو استازو سره افغانستان ته سفر کړی و، د خپلو کاري غونډو په پای کې د کرنیزو متشبثینو او د افغانستان د خصوصي سکتور سره څو سوداګریز تړونونه لاسلیک کړل.

د دې تړونونو د احکامو پر بنسټ، خواوو ژمنه وکړه چې د دواړو خواوو د اصولو او مقرراتو سره سم په لویه کچه خپلې سوداګریزې همکارۍ ته دوام ورکړي او د صادراتو او وارداتو محصولاتو لیږلو او ترلاسه کولو پروسه پیاوړې کړي.

په مطبوعاتي اعلامیه کې زیاته شوې: دا تړونونه د افغانستان او ازبکستان ترمنځ د اقتصادي همکارۍ پراخولو او د دواړو خواوو د خصوصي سکتور لپاره د ډیرو فرصتونو چمتو کولو لپاره یو مهم ګام ګڼل کیږي.

جمهورخبري آژانس