بلوچستان کې د مرګونو بریدونو عاملین د طالبانو نیابتي ډلې وې

د پاکستان وزیر خواجه اصف وايي، د بلوچستان د آزادۍ پوځ جنګیالي د هند او طالبانو لخوا د وسیلې په توګه کارول کیږي، او اسلام آباد به دوی د دې لپاره مسؤل وګڼي.

د جمهور خبري آژانس د خبر له مخې، آصف نن چهارشنبې د (سلواغې ۱۵ مه) ویلي «د هیواد د ځوانانو په مرسته، ستاسو د ټاکل شویو استازو په ملاتړ او د ملي هوډ له لارې، موږ به په دې محاذ کې هم هند ته ماتې ورکړو - د افغانستان له لارې. تاسو باید په یاد ولرئ چې دا خلک دلته هم شتون لري، زموږ د ټولنې په زړه کې، او موږ به اقدام وکړو او په دې ډګر کې به د هند او افغانستان سره هم مقابله وکړو.»

د پاکستان دفاع وزیر خبرداری ورکړ چې که چیرې د طالبانو په مشرۍ د هند او افغانستان لخوا د پاکستان ضد یاغیان د وسیلې په توګه وکارول شي، اسلام آباد به دوی مسؤل وګڼي او ځواب به ورکړي.

د یادونې وړ ده چې د ملګرو ملتونو د امنیت شورا د احصایو له مخې، په بلوچستان ولایت کې په وروستیو بریدونو کې د ۳۱ ملکي وګړو په ګډون ۴۸ پاکستاني اتباع وژل شوي دي.

جمهورخبري آژانس