راپورونه وايي، هند او چین په افغانستان کې د کډې اقتصادي پروژې په پلي کولو سره هوکړه کړې، خو دغه کار پاکستان ورخطا کړی دی.
د جمهور آژانس د خبر له مخې هندي او چینايي رسنیو ویلي، په افغانستان کې د کډې پرمختیايي پروژې هوکړه تېره ورځ شنبې د غوايي ۸ مه د هند د لومړي وزیر نریندرا مودي او د چین د ولسمشر شي جېن پېنګ د درې ورځي غیر رسمي کتنې په ترڅ د چین په ووهان ښار کې شوې ده.
راپورونه وايي هند او چین غواړي، چې په افغانستان کې د ګډو اقتصادي پروژو په پلي کولو سره خپلو کې د کلونو ترینګلتیا او بې باورۍ له منځه یوسي.
افغانستان د هند او چین د دغه هوکړې هرکلی کړی دی او وايي د سیمې د سترو اقتصادي او سیاسي قدرتونو همکاري په افغانستان کې له امنیت او اقتصاد ودې سره مرسته کولای شي.
خو د ټایمز اف انډیا لیکلي، چې د هند او چین ترمنځ په افغانستان کې ګډې پرمختیايي پروژې پر سر هوکړه به پاکستان وارخطا کړي.
ورځپاڼه د یوې حکومتي سرچیني په حواله چې نوم یې نه دی په ډاګه شوی لیکي پر دغې پروژې خبرې شوي او تفصیل به یې د دپلوماتیکیو چینلونو له لارې بشپړ شي.
ټایمز اف انډیا وړاندې لیکي د چین او هند پرونۍ هوکړه د پاکستان بالکل خلاف ده، نو ځکه به د دغه هېواد غبرګون سخت وي.
جمهورخبري آژانس:کابل
