د افغانستان د سوداګرۍ او صنایعو خونې چارواکي وايي، د افغانستان او سعودي عربستان تر منځ هوايي دهلېز پرانستل شو.

د جمهور آژانس د خبر له مخې دغه دهلیز د افغان چارواکو او په کابل کې د سعودی د لوی سفیر له خوا پرون سه شنبې د چنګاښ ۵ مه په رسمي ډول پرانستل شو.
 
د افغانستان د سوداګرۍ او صنایعو خونه ویاند صام الدین پسرلی وايي، د دغه هوايي دهلیز په پرانستلو سره له افغانستانه په زاعفرانو بار یوه الوتکه د سعودي عربستان په طرف والوتله.

باید و ویل شي، چې له دې وړاندې افغانستان له هند، قزاقستان او ترکیې سره هوايي دهلېزونه پرانیستي، چې له افغانستان وچه او تازه مېوه او ځینې طبي بوټي یادو هېوادونو ته صادرېږي.

ټاکل شوې، چې افغانستان په نېږدې راتلونکې کې د ځینو نورو هېوادونو او اروپا سره هم هوايي دهلېزونه پرانیزي.

جمهورخبري آژانس:کابل