په کندوز کې د بې پولې ډاکټرانو یو مجهز روغتون جوړېږي

14 اسد 1397 ساعت 13:31

په کندوز ولایت کې د بې پولې ډاکترانو د یوه مجهز روغتون د جوړېدو تړون د افغانستان د عامې روغتیا وزارت او د بې پولې ډکترانو د ادارې له چارواکو تر منځ لاسلیک شو.


په کندوز ولایت کې د بې پولې ډاکترانو د یوه مجهز روغتون د جوړېدو تړون د افغانستان د عامې روغتیا وزارت او د بې پولې ډکترانو د ادارې له چارواکو تر منځ لاسلیک شو.

د جمهور آژانس د خبر له مخې د سیمه ییزو ارګانونو له لوري خپره شوې خبرپاڼه کې راغلي چې دغه تړون تېره ورځ د زمري ۱۳ مه د عامې روغتیا د وزیر فیروزالدین فیروز او بې پولې ډاکټرانو د چارواکو تر منځ لاسلیک شوی دی.

د معلوماتو پر بنسټ د دې تړون له مخې د بې پولې ډاکټرانو لپاره په کندوز ولایت کې یو مجهز او پرمختللی روغتون جوړيږي.

چارواکي وايي، په دې روغتون ۱۳ میلیونه ډالره لګښت راځي او د اتلسو میاشتو په موده کې به جوړ شي.

باید و ویل شي، چې د بې پولې ډاکټرانو روغتون تر دې وړاندې په کندوز کې د امریکايي ځواکونو په یوه هوایي برید کې له منځه لاړ.

جمهورخبري آژانس:کابل
 
 
 


د مطلب کود: 107061

دمطلب پته: https://www.jomhornews.com/ps/news/107061/

جمهور
  https://www.jomhornews.com