دفاع وزارت پکتیا کې د ۵۲ طالبانو د مرګ ژوبلې خبر ورکړ

10 سنبله 1397 ساعت 13:32

د افغانستان ملي دفاع وزارت په پکتیا ولایت کې د افغان پوځ په هوايي بریدونو کې د ۵۲ طالبانو د مرګ ژوبلې خبر ورکوي، خو وسله وال طالبان دغه خبر ردوي.


د افغانستان ملي دفاع وزارت په پکتیا ولایت کې د افغان پوځ په هوايي بریدونو کې د ۵۲ طالبانو د مرګ ژوبلې خبر ورکوي، خو وسله وال طالبان دغه خبر ردوي.

د جمهور آژانس د خبر له مخې ملي دفاع وزارت نن شنبې د وږي ۱۰ مه په یوه خبرپاڼه کې ویلي، چې افغان هوايي ځواک تېره ورځ د پکتیا په احمد آبا ولسوالۍ کې پر وسله والو طالبانو هوايي بریدونه وکړل.

سرچینه زیاتوي، په دغه هوايي بریدونو کې چې د طالبانو پر پټنځایونو تر سره شوي، ۳۰ وسله وال طالبان وژل شوي او ۲۲ نور ټپیان شوي دي.

خو طالب ویاند ذبیح الله مجاهد د ملي دفاع وزارت دغه خبر رد کړی او ویلي یې دي، چې په احمدآباد ولسوالۍ کې د دوی یوه ملګري ته هم زیان نه دی رسېدلی.

مجاهد پر خپله فسبوک پاڼه د دفاع وزارت دغه خبر کاذبه ادعا بللې او ویلي یې دي، چې په احمدآباد ولسوالۍ کې هېڅ پېښه نه ده رامنځ ته شوې.

جمهورخبري آژانس:کابل
 


د مطلب کود: 107834

دمطلب پته: https://www.jomhornews.com/ps/news/107834/

جمهور
  https://www.jomhornews.com