غور کې وسله والو غلو شپږ تنه مسافرو ته مرګ ژوبله اړولې ده

28 عقرب 1397 ساعت 9:12

غور ولایت کې وسله والو غلو پر یوه مسافر وړونکي موټر وسله وال برید کړی او شپږو تنو مسافرو ته یې مرګ ژوبله اړولې ده.


غور ولایت کې وسله والو غلو پر یوه مسافر وړونکي موټر وسله وال برید کړی او شپږو تنو مسافرو ته یې مرګ ژوبله اړولې ده.

د جمهور آژانس د خبر له مخې دغه پېښه نن دوشنبې د لړم ۲۸ مه سهار شاوخوا ۴ بجې د غور ولایت مرکز فیروزکو ښار به ۶۵ کیلومترۍ کې رامنځ ته شوې ده.

د غور د والي ویاند عبدالحی خطیبي وايي، مسافر وړونکی موټر هرات نه د غور پر لور د تګ په حال کې و، چې د بره خانه په سیمه کې وسله والو غلو درولی دی.

نوموړي زیاته کړې، چې غلو لومړی له مسافرو د هغوی توکي، پیسې او هر څه لوټلي وروسته یې پرې ډزې کړې، چې درې تنه یې وژلي او درې نور ټپیان شوي دي.

د غور د والي ویاند زیاتوي، چې ټول وژل شوي او ټپیان ولسي وګړي او د دایکنډي ولایت اوسېدونکي وو.

جمهورخبري آژانس:کابل
 
 


د مطلب کود: 110425

دمطلب پته: https://www.jomhornews.com/ps/news/110425/

جمهور
  https://www.jomhornews.com