ملي دفاع وزارت وايي، د هېواد په بېلا بېلو برخو کې د ګډو افغان ځواکونو په عملیاتو کې لږ تر لږه ۸۱ وسله والو طالبانو ته مرګ ژوبله اوښتې ده.

د جمهور آژانس د خبر مخې دفاع وزارت نن یکشنبې د مرغومي ۳۰ مه په یوه خبرپاڼه کې ویلي، طالبانو ته دغه مرګ ژوبله په تېرو ۲۴ ساعتونو کې اوښتې ده.

په خبرپاڼه کې ویل شوي ګډو ځواکونو په ننګرهار، کاپيسا، پکتیا، زابل، اروزګان، هرات، بادغیس، بلخ او هلمند ولایت کې ۹۳ کمانډويي، ۷ بریدګر او چاڼیز او دغه راز څلور هوايي عملیاتونه تر سره کړي دي.

دفاع وزارت وايي، په دغه عملیاتو کې لږ تر لږه ۴۱ وسله وال طالبان وژل شوي او ۴۰ نور ټبيان شوي دي.

طالبانو تر اوسه په دې اړه څه نه دي ویلي.

جمهورخبري آژانس:کابل