جوزجان کې د یوه قوماندان په ګډون ۱۸ طالبان وژل شوي دي

13 حوت 1397 ساعت 9:33

په شمال کې د پوځ چارواکي په جوزجان ولایت کې د افغان کمانډو ځواکونو په ځانګړو عملیاتو کې د یوه قوماندان په ګډون د ۱۸ طالبانو د وژل کېدو خبر ورکړی دی.


په شمال کې د پوځ چارواکي په جوزجان ولایت کې د افغان کمانډو ځواکونو په ځانګړو عملیاتو کې د یوه قوماندان په ګډون د ۱۸ طالبانو د وژل کېدو خبر ورکړی دی.

د جمهور آژانس د خبر له مخې د ۲۰۹ شاهین قول اردو له خوا نن دوشنبې د کب ۱۳ مه په خپره شوې خبرپاڼه کې راغلي، کمانډو ځواکونو دغه عملیات د جوزجان ولایت د فیض آباد ولسوالۍ د میملک په کلي کې تر سره کړي دي.

سرچینه زیاتوي، چې په دې ځانګړو عملیاتو کې چې نن سهار تر سره شوي، د قوماندان مولوي ظریف په ګډون ۱۸ وسله وال طالبان وژل شوي دي.

خبرپاڼه وايي، مولوي ظریف په سیمه کې د طالبانو یو مشهور او مهم قوماندان و او په یاده ولسوالۍ کې به عملیات د وسله والو تر بشپړ ځپلو پورې روان وي.

وسله والو طالبانو تر اوسه په دې اړه څه نه دي ویلي.

جمهورخبري آژانس:کابل
 


د مطلب کود: 114058

دمطلب پته: https://www.jomhornews.com/ps/news/114058/

جمهور
  https://www.jomhornews.com