ملټري ټایمز: ناټو روزونکو قصدآ افغان هوايي ځواکونو ته سمه روزنه نه ده ورکړې

22 اسد 1398 ساعت 14:53

د ملټري ټایمز د تازه راپور په اساس ناټو افغان هوايي ځواکونو ته د عملیاتو همغږي کولو او تاکتیکي برخو کې د روزنې په ورکړه کې تېروتنې کړې دي.


د ملټري ټایمز د تازه راپور په اساس ناټو افغان هوايي ځواکونو ته د عملیاتو همغږي کولو او تاکتیکي برخو کې د روزنې په ورکړه کې تېروتنې کړې دي.
 
د جمهور آژانس د خبر له مخې ملټري ټایمز دا راپور د پنټاګون یا د امریکا د دفاع وزارت د عمومي پلټنو د مرکز د اسنادو په حواله ورکړی دی.

په راپور کې ویلي شوی،  چې ناټو ځواکونه د همغږۍ او تاکتیکي برخو کې د افغان ځواکونو په ظرفیت لوړونه کې پاتې راغلي دي.

پنټاګون زیاته کړې، د هوايي بریدونو برخه کې د لازمې همغږۍ نه شتون د افغان امنیتي دفاعي ځواکونو خطر څو چند کړی دی.

په راپور کې د پنټاګون د اسنادو په حواله راغلي چې د هوايي ځواکونو د افسرانو لپاره د دقیقو روزنیزو پروګرامونو نشتوالي دا ګواښ زیات کړی چې افغان هوايي ځواکونه غیر مسلکي عمل وکړي او د هوايي عملیاتو پر مهال زیات ملکي تلفات واړوي.

سرچینه زیاتوي، چې د ناټو روزونکو قصدا نه دي غوښتي چې د افغان هوايي ځواکونو همغږي کوونکو افسرانو ته تاکتیکي روزنې او مشورې ورکړي.

دفاع وزارت د دې راپور په تړاو لا څه نه دي ویلي، خو په دې وروستیو کې د افغان ځواکونو په عملیاتو کې د ملکي تلفاتو راپورونه زیات شوي دي.

جمهورخبري آژانس:کابل
 
 


د مطلب کود: 119357

دمطلب پته: http://jomhornews.com/ps/news/119357/

جمهور
  http://jomhornews.com