د امریکا د بهرنیو چارو وزارت په یوه خبرپاڼه کې له طالبانو سره د سولې د خبرو د بیا پیلولو اعلان وکړ.

د جمهور آژانس د خبر له مخې د امریکا د بهرنیو چارو وزارت په یوه خبرپاڼه کې ویلي، خلیلزاد به ډېر ژر قطر ته سفر وکړي، چې له طالب استازو سره وگوري او د سولې د يوه تړون لپاره خبرې له سره پيل کړي.

دا خبرپاڼه چې افغانستان ته د خلیلزاد له راتګ لږ وروسته خپره شوې په کې راغلي، زلمی خلیلزاد له طالبانو سره بیا خبرې پیلوي تر ځو له طالبانو سره په افغاني مذاکراتو او اوربند یا هم د تاوتریخوالي د راکمولو پر سر هوکړې ته ورسېږي.

دا په داسې حال کې ده چې زلمی خلیلزاد تېره ورځ کابل ته راغلی او له ولسمشر غني وروسته یې له عبدالله عبدالله او نورو سیاستوالو سره لیدنې کړې دي.

جمهورخبري آژانس:کابل