د افغان حکومت اجرائیه رییس ډاکترعبدالله عبدالله په کابل کې د امریکا او برېتانیا له سفیرانو جان باس او مېرمن الیسن بلیک سره جلا جلا کتنې کړې.

د جمهور آژانس د خبر له مخې اجرائیه ریاست وايي، دغه دواړه کتنې پرون سه شنبې د لیندۍ ۲۶ مه په سپیدار ماڼۍ کې شوې دي.

په معلوماتو کې ویل شوي، ښاغلي عبدالله له دواړو سفیرانو سره پر ټاکنو د سولې پر هڅو او په هېواد کې په وروستیو سیاسي تحولاتو خبرې اترې کړې دي.

د اجرائیه ریاست په خبرپاڼه کې په دې اړه نور جزیات نه دي ورکړل شوي.

جمهورخبري آژانس:کابل