له طالبانو جلا شوې ډلې یو مهم قوماندان هرات کې وژل شوی دی

19 جدی 1398 ساعت 10:28

سیمه ییز چارواکي تاییدوي، چې د طالبانو د یوې جلا شوې ډلې یو مهم قوماندان ملا نګیالۍ د بې پیلوټه الوتکې په یوه برید کې وژل شوی دی.


سیمه ییز چارواکي تاییدوي، چې د طالبانو د یوې جلا شوې ډلې یو مهم قوماندان ملا نګیالۍ د بې پیلوټه الوتکې په یوه برید کې وژل شوی دی.

د جمهور آژانس د خبر له مخې د سرچینې په وینا ملا نګیالۍ او ملګري یې پرون چهارشنبې د مرغومي ۱۸ مه د هرات ولایت زېرکو ولسوالۍ کې د بې پیلوټه الوتکې له خوا په نښه شوی دی.

دغه چارواکي د نوم نه ښودلو په شرط ویلي، چې په دغه برید کې د ملانګیالي تر څنګ د هغه ۱۸ ملګري هم وژل شوي دي.

سرچینه دا هم وايي، چې په یاد برید کې تر اتو پورې ولسي وګړي هم وژل شوي دي.

خو ځینې سرچینې وايي، په دغه برید کې تر ۲۰ ډېر وسله وال او همدومره ولسي وګړي وژل شوي دي.

د سرچینو د معلومات له مخې ملانګیالی د طالبانو د جلا شوې ملا محمد رسول د ډلې یو پیاوړی قوماندان و، چې څو ځله یې د طالبانو د اصلي ډلې د قوماندان ملا صمد د وسله والو سره هم جګړې کړې دي.

جمهورخبري آژانس:هرات
 


د مطلب کود: 123912

دمطلب پته: https://www.jomhornews.com/ps/news/123912/

جمهور
  https://www.jomhornews.com