کورنیو چارو وزارت تاییدوي، چې په بګرام نظامي اډه توغنديي برید شوی، خو چا ته په کې مرګ ژوبله نه ده اوښتې.

د جمهور آژانس د خبر له مخې راپورونه وايي، د بګرام له قلعچې سیمې پر دغه نظامي اډه پنځه توغندي توغول شوي دي.

د کورنیو چارو وزارت هم وایي چې پنځه شارتېدونکې ګولۍ په یوه کرولا ډوله موټر کې ځای پر ځای شوې وې او د بګرام پر هوايي ډګر توغول شوې دي.

د سرچینې د معلوماتو له مخې په پېښه کې موټر سوی خو له امله یې چا ته تلفات نه دي اوښتي.

تر اوسه ددغه پېښې مسوولیت چا نه دی منلی.

جمهورخبري آژانس:کابل