د غزني ولایت د ښار د درېیمې امنیتي حوزې امر نذیر غورځنګ د ناپېژانده وسله والو کسانو له خوا وژل شوی دی.
د
جمهور خبري آژانس د خبر له مخې پېښه پرون سه شنبې د تلې ۷ مه ماښام مهال د غزني ښار د څلورمې امنیتي حوزې اړوند سیمه کې شوې ده.
پر نذیز غورځنګ په یاده سیمه کې د ناپېژانده وسله والو کسانو له خوا برید شوی، چې دی په کې وژل شوی او یو بل ملګری یې ټپي شوی دی.
نذیر غورځنګ هغه کس و، چې د کورنیو چارو وزارت مکتوب د درېیمې امنیتي حوزې د امر په توګه ټاکل شوی و، خو د راپورونو له مخې د غزني امنیه قوماندان خلیل اندرابي د کار اجازه نه ورکوله.
د یادونې ده، چې د غورځنګ درې وروڼه او پنځه د تره زامن په یوه موټر بم برید کې وژل شوی و، او مور پلار یې رواني تکلیف پیدا کړی دی.
تر اوسه کوم چا یا ډلې د نذیر غورځنګ د وژل کېدو مسؤلیت نه دی منلی خو د نوموړي وژل کېدو په ټولنیزو رسنیو کې د خلکو پراخ غبرګونونه راپارولي او حکومت یې په بې غورۍ تورن کړی دی.
جمهورخبري آژانس:کابل