دفاع وزارت:

هلمند کې مو د طالبانو د نظامي کمېسیون مرستیال ملا امان وژلی

10 عقرب 1399 ساعت 10:45

ملي دفاع وزارت وايي، افغان ځواکونو په یوه هوايي برید کې د طالبانو د نظامي کمېسیون مرستیال ملا امان الله له خپلو اتو ملګرو سره یو ځای وژلی دی.


ملي دفاع وزارت وايي، افغان ځواکونو په یوه هوايي برید کې د طالبانو د نظامي کمېسیون مرستیال ملا امان الله له خپلو اتو ملګرو سره یو ځای وژلی دی.

د جمهور آژانس د خبر له مخې یاد وزارت نن شنبې د لړم ۱۰ مه خپره کړې اعلامیه کې ویلي، چې ملا امان الله او ملګري یې د هلمند ولایت د ناوې ولسوالۍ په خسرآباد سیمه کې وژل شوی دی.

سرچینه زیاتوي، چې افغان ځواکونو تېره ورځ په یاده سیمه کې عملیات وکړل، چې پر مهال یې د هلمند لپاره د طالبانو د نظامي کمېسیون مرستیال ملا امان الله چې شبکه یې شفیق نومېده له خپلو اتو ملګرو سره یو ځايي په هوايي برید کې و واژه.

په خبرپاڼه کې ویل شوي، په دغه هوايي برید کې د دوی یو لوکسل موټر، څلور میله کلاشنکوفونه، دوه میله درازنوف او ۲ پایې اېکم مخابرې هم له منځه وړل شوې دي.

په ورته وخت ملي دفاع وزارت د اروزګان دهراود ولسوالۍ کې هم د ۱۴ طالبانو د وژل کېدو، ۹ تنو د ټپي کېدو او د هغوی د درې پټنځایونو د لمنځه وړلو خبر ورکړی دی.

طالبانو تر اوسه په دې اړه څه نه دي ویلي.

جمهورخبري آژانس:کابل
 
 


د مطلب کود: 132986

دمطلب پته: http://jomhornews.com/ps/news/132986/

جمهور
  http://jomhornews.com