راپورونه وايي، د امریکا په اوهایو ایالت کې په یوه وسله وال برید کې ۸ تنو ته مرګ ژوبله اوښتې ده.

د جمهور آژانس د خبر له مخې ویل کېږي یوه وسله وال کس په یوه نایټ کلپ کې پر ناستو کسانو ډزې کړې، درې ته یې وژلي او پنځه نور یې ټپیان کړي دي.

د اوهایو پولیس وايي، ټپیان روغتون ته لېږدول شوي او روغتیايي حالت یې ښه دي.

تر اوسه د برید لامل نه دی معلوم، بریدګر له سیمې پښې سپکې کړې او پولیس یې په لټه کې دي.

د یادونې ده، چې تر دې وړاندې په سلګونه ورته نورې پېښې هم امریکا کې شوې دي.

جمهورخبري آژانس:کابل