د روغتیا نړیوال سازمان وايي، چمتو دی، چې په افغانستان کې د پولیو یا ګوزڼ واکسن سرتاسري کمپاین پیل کړي.
د
جمهور خبري آژانس د خبر له مخې دغه سازمان په خپله ټوېټر پاڼه لیکلي: د روغتیا نړیوال سازمان له خپلو همکارانو سره په افغانستان کې کور په کور د پولیو واکسین رسولو ته چمتو دی.
د روغتیا نړیوال سازمان ټینګار کړی دی چې دغه کمپاین باید ژر تر ژره پیل شي او دوام پیدا کړي.
سرچینې ویلي، سږ کال له دغه هېواد څخه یوازې د پولیو یوې پېښې ثبتېدو راپور ورکړل شوی دی، په داسې حال کې چې تیر کال په دغه هیواد کې د ماشومانو د فلج پېښې ۵۶ ته رسېدلې وې.
دغه سازمان ویلي چې په افغانستان کې د ګوزڼ پېښو پای ته رسېدو فوق العده فرصت رامنځته شوی دی.
د روغتیا نړیوال سازمان پر داسې مهال په افغانستان کې د پولیو واکسین پر ژر تر ژره اجرا کېدو ټینګار کوي چې تر دې مخکې په دغه هیواد کې د جګړو او د وسله والو ډلو له لورې د واکسین د تطبیق ړ مخنیوي په وجه د واکسین بهیر ټکنی و.
جمهورخبري آژانس:کابل