د افغانستان اسلامي امارت وايي، کابل هوايي ډګر ته به نن پنشنبې د تلې ۸ مه نړیوال پروازونه پیل شي.
د جمهور آژانس د خبر له مخې دا خبره د اسلامي امارت د فرهنګي کمېسیون مرستیال احمدالله وثیق د نړیوال رادار د معلوماتي پاڼې پر بنسټ کړې ده.
نوموړي ویلي، د نړیوال رادار د معلوماتو له مخې نن پشنبې به کابل ته نړیوالې الوتنې پیل شي.
د سرچینې په په وینا ترکیه، هند او ازبکستان درې هغه هېوادونه دي چې نن به ترې درې مسافر وړونکې الوتکې د کابل هوايي ډګر ته الوتنې وکړي.
د یادونې ده، چې کابل نړيوال هوايي ډګر د طالبانو له واکمنیدو د امریکايي ځواکونو له خوا سخت زیانمن شو، چې تر ۱۰۰ میلیون ډالرو پورې زیان ورته رسېدلی و.
خو وروسته قطر او ترکیې بېرته د دغه هوايي ډګر فعالولو ته مټې راونغښتې او راغلل.
جمهورخبري آژانس:کابل
