د هند لومړي وزیر نریندرا مودي په تازه څرګندونو کې ټینګار کړی، چې هېواد یې په دې سختو شرایطو کې د افغانستان تر څنګ ولاړ دی.
د
جمهور خبري آژانس د خبر له مخې ښاغلي مودي ویلي، که څه هم دوی په افغانستان کې د ترهګریزو فعالیتونو په تړاو اندېښنه لري، خو سره دې هم د دوی د افغانستان له خلکو سره ولاړ دي.
ښاغلي مودي زیاته کړې، چې هند د افغانانو روان وضعیت او درد درک کولیشي او تر خپل توان به هڅه وکړي، چې له افغانانو سره خپلې بشردوستانه مرستې وکړي.
د هند لومړي وزیر دغه راز له نړیوالې ټولنې غوښتي، چې په ګډه د ترهګرۍ پر وړاندې مبارزه وکړي او اجازه ورنه کړي، چې افغانستان یو ځل بیا د ترهګرۍ او افراطیت په مرکز بدل شي.
دا واک ته د طالبانو له رسېدو وروسته لومړی ځل دی، چې د هند لومړی وزیر د افغانستان په اړه څرګندونې کوي.
جمهورخبري آژانس:کابل