د هند د بهرنیو چارو مرستیال وزیر هارش واردان شرینګلا د افغانستان لپاره د اروپايي ټولنې له ځانګړي استازي توماس نیکلاس سره لیدلي دي.

د جمهور آژانس د خبر له مخې د هند د بهرنیو چارو وزارت ویاند اریندام باګچي وایي، په دغه لیدنه کې دواړو لورو د افغانستان په اړه مهمې خبرې کړې دي.

د نوموړي په وینا په دې لیدنه کې دواړو لورو موافقه وکړه، چې د هند او اروپايي ټولنې تر منځ به د افغانستان په اړه همغږي دوام وکړي.

د هند د بهرنیو چارو وزارت په دې اړه نور جزیات نه دي ورکړي.

جمهورخبري آژانس:کابل

جمهور