عیني شاهدان وایي، کابل ښار کې د طالبانو پر یوه رنجر موټر د سړک د غاړې چاودنه شوې، خو د مرګ ژوبلې په اړه معلومات نشته.
د
جمهور خبري آژانس د خبر له مخې چاودنه نن پشنبې د زمري ۲۳ مه د کابل ښار د څلورمې امنیتي حوزې اړوند پروان سه سیمه کې شوې ده.
عیني شاهدان وايي، د طالبانو رنجر موټر له سیمې د تېرېدو په حال کې و، چې د سړک د غاړې خښ شوي ماین پرې چاودنه کړې ده.
تر اوسه د دغه چاودنې د مرګ ژوبلې په اړه معلومات نشته.
اسلامي امارت هم تر اوسه په دې اړه څه نه دي ویلي.
د یادونې ده، چې پرون ورځ او شپه هم کابل ښار کې د طالبانو پر موټرو درې چاودنې شوې وې، چې تلفات یې هم درلودل.
جمهورخبري آژانس:کابل